..... ..........
صـباكم×مـساكم // ورد
اشلوونكم وشخباركـم ؟؟
اليوم طرى على بالي موضووع << ماتلاحظوون اني مكثره طرى على بالي هاليومين 
المهم ان جا بالي هالموضووع وحبيت اكتب واتكلم عنه
وربي من كثر مافكرت فيه احس ان ضغطي مرتفع
لانه فعلا ماافي شي نفخر فيه
بسالكم ...
تفخروون انكم عرب ...؟؟
اذا جووابكم لا ... اوك
اماا اذا جووابكم نعم ... بسالكم سؤال بشنووو تفخروون ؟؟؟
لانك اذا دورت شي تبي تفخر فيه ماراح تلاقي شي
لانه ماافي شي ينذكر بصراحه (الاسلام خلوه على صوب لاني ما اتكلم عن الاسلام)
الشي الوحيد الي يمكن ينذكر هو النفط اوكي انا معاكم النفط شي حلوو ويمكن يكون مصدر قووي لنا
بس هل احنا استخدمنااه صح ؟؟
نطلع منه ملايين وبلايين .. بس على شنو صرفنااها ؟؟
على الاكل ؟؟ على الشرب ؟؟ على الونااسه ؟؟ على ان امريكا تبي واسرائيل تبي وايران تبي ..؟
ولا على اكبر كبسه بالعالم ..؟
ولا على اكبر كنافه بالعالم ؟؟
ولا على اكبر حمص بالعالم ..؟
بصراحه شي يفشل ويقص الوجه
تحس انهم مستانسين على انهم سوو لهم انجاز الي هو الاكل بس
همنا الاكل وكل واحد ياكل حق الثااني
انزين دبي ..
بنو فيها برج عااااااااااالي
بس منو بناه؟؟؟؟؟؟؟؟؟؟؟؟
أكيد مو واحد عربي
مهندس أجنبي..... انزين مو هني المصيبة
المصيبة انه حط عليه صليب كبير يمكن رؤيته عن بعد أميال
وقال :(( وضعت أكبر صليب في دولة إسلامية))
شوفو بشنو شاطرين العرب
ولو نلاحظ اكثر المشااكل الي بالعالم بين العررب
كل واحد يطمع بالي عند غيره ومع هذا كل واحد مو عاجبه الي عنده
ماعمركم فكرتوو الغرب ليش عايشين مرتاحين لانه طموحهم العرب يبون يقضون عليهم وبس
والعرب يفكرون يقضوون على نفسهم بنفسهم
هذا مقطع من مليون مقطع عربي يبين لنا ان العرب صج متفاهمين وقلوبهم على بعض << العكس صحيح طبعا
واخر شي ماعندهم سالفه .السالفه كلها عند الدول الغربيه
لانها بتاخذ منا الي تبيه حبه حبه والعرب لاهين
قبل لا انهي كلامي في عرب يستحقوون الفخر لكن قليل
وبعضهم علماء ودكاتره بس لو تلاحظوون محد دعمهم وعطاهم حقهم غير الغرب
امثال
الدكتورة حياة سندي المتخصصة في الكيمياء الحيوية المقيمة بأوروبا من التوصل إلى اكتشافات علمية تقضي على أكثر الأمراض ...
وكبير علماء العرب أحمد حسن زويل حاصل على جائزة نوبل في الكيمياء مصري الجنسيه واخذته امريكا لانها بتستفيد منه ..
وغيرهم وغيرهم ... بتعب وانا اقول
شفتو ان الغرب ياخذوون من العرب كل شي زين
واحنا كل شي شين عندنا مافي شي نفخر فيه الحين
اما الي بتصدف معاه الصدفة ويبدع بمجاله بيبيع خبراته لامريكا وغيرها وما يرجع لدولته الا بعد ما يتقاعد
لا بأس يا عربي
يمكن بالمستقبل يطلع معك شي انا اسفه اني قاعده اكتب اشياء يمكن مالها داعي
واسفه اذا الطرح مو مرتب او مو مناسب
بس اعتبرووهاا وجهة نظري
تقبلو تحياتي
المـ
ـاستر المـتالقـ 
ـه دآئمـآّّّ <<- دلع لع
ملاحظه: الجانب الديني ماله دخل بالموضوع انا اتكلم عن العرب وليس دينهم
مشكووورة دلع لع لا عدمناك 
